ұлы ойшылдың өмірі мен шығармашылығына арналған онлайн-энциклопедия

Абайға

Оқылған 37271 рет

Ақын біткеннің шоқтығы,
Алдаспан ойдың оттығы.
Аяздай батты арқама,
Алмағайып күндерде,
Абайларымның жоқтығы.

Берекемді Алла берерде,
Тамырым менің тереңде.
Ырыс-құтым бар құйылған,
Зереден қалған зереңде.

Толғауы тоқсан тілім бар,
Тоғжанға біткен бұрымдар.
Ұл тапқан ана Ұлжаннан,
Ұлылығымды ұғыңдар.

Шет жерден шебер алдырған,
Құрбандығын шалдырған.
Құдайдың үйі - мешітті,
Құнанбай қажы салдырған.

Пайғамбар тектес Абайда,
Айтатын сөзім талайға.
Қазақтың тілі, ендеше,
Абайдың тілі, абайла!

Назгүл Каримова