ҰЛЫ ОЙШЫЛДЫҢ ӨМІРІ МЕН ШЫҒАРМАШЫЛЫҒЫНА АРНАЛҒАН ОНЛАЙН-ЭНЦИКЛОПЕДИЯ

БОЛДЫ ДА ПАРТИЯ

Оқылған 28571 рет

Қосылған күні: 28.07.2015

Болды да партия, 
Ел іші жарылды. 
Әуремін мен тыя, 
Дауың мен шарынды.

Құрбыдай хош тұттым 
Жасың мен кәрінді. 
Жоқтамай, ұмыттым, 
Ақыл мен нәріңді.

Ортаға көп салдым 
Өзімде барымды. 
Япырым-ау, неңді алдым, 
Сау қоймай арымды?

Ойымнан ой бөліп, 
Қозғадың тамырды. 
Көңілге тік келіп, 
Кетірдің сабырды.

Ойым да ақ, жарым да ақ, 
Кеңімді, тарымды 
Қарасам пайымдап, 
Сөзің сол сарынды.

Өсекке салмаңдар 
Ойымды, жарымды. 
Өлшеуге алмаңдар, 
Ойым бек тарылды.

Ұрыңнан асырдың 
Сұм тілді қарынды. 
Жасырдым, жасырдым, 
Енді айттым зарымды.

 

1896-шы жыл