ұлы ойшылдың өмірі мен шығармашылығына арналған онлайн-энциклопедия

ЖАРҚ ЕТПЕС ҚАРА КӨҢІЛІМ НЕ ҚЫЛСА ДА...

Өлеңдері

Оқылған 31811 рет

Жарқ етпес қара көңілім не қылса да, 
Аспанда ай менен күн шағылса да, 
Дүниеде сірә сендей маған жар жоқ, 
Саған жар менен артық табылса да.

Сорлы асық сарғайса да, сағынса да, 
Жар тайып, жақсы сөзден жаңылса да, 
Шыдайды риза болып жар ісіне, 
Қорлық пен мазағына табынса да.