ҰЛЫ ОЙШЫЛДЫҢ ӨМІРІ МЕН ШЫҒАРМАШЫЛЫҒЫНА АРНАЛҒАН ОНЛАЙН-ЭНЦИКЛОПЕДИЯ

  • Басты бет
  • АБАЙ КҮНІНЕ ОРАЙ ОНЛАЙН КОНЦЕРТ ӨТЕДІ

АБАЙ КҮНІНЕ ОРАЙ ОНЛАЙН КОНЦЕРТ ӨТЕДІ

Оқылған 1871 рет

Қосылған күні: 09.08.2020

10 тамыз - Абай күніне орай бүгін сағат 21:00-де Қазақконцерттің YouTube арнасында "Абай арманы" атты концерттің онлайн көрсетілімі өтеді, - деп хабарлайды Egemen.kz Қазақконцерттің баспасөз қызметіне сілтеме жасап.

"Ұлт руханиятының темірқазығына айналған Абайдың 175 жылдығы аясында "Абай күні" деген атаулы датаның белгіленуі біз үшін қуанышты жаңалық болды. Ұлы Абайдың бай музыкалық мұрасында ұлттық өнеге мен мол тағылым жатыр. Сондай-ақ поэтикалық және композиторлық туындыларымен қазақ музыкасына жаңа леп әкелген Абайдың ән мұрасы ерекше сұлулығымен, көркемдік байлығымен, әуезділігімен құнды. Абайдың шығармашылығына ғана тән осы Қазақконцерт солистері ұсынатын жаңа концерттік бағдарлама көрініс табады", - деді Қазақконцерттің басшысы Жеңіс Сейдуллаұлы.

Онлайн концертте белгілі әншілер, Қазақстанның еңбек сіңірген қайраткерлері Бибігүл Жанұзақ, Азамат Жылтыркөзов, Медет Шотабаев, Ерлан Рысқали, Ардақ Балажанова және халықаралық байқаулардың лауреаттары Асқар Мұқият, Аяулым Қамажан өнер көрсетеді. Онлайн форматта өтетін мерекелік концертте Абайдың әндері мен оның өлеңдеріне жазылған әндер орындалады.

Егемен Қазақстан