ұлы ойшылдың өмірі мен шығармашылығына арналған онлайн-энциклопедия

ЖҮРЕГІМ МЕНІҢ - ҚЫРЫҚ ЖАМАУ...

Өлеңдері

Оқылған 21391 рет

Жүрегім менің қырық жамау 
Қиянатшыл дүниеден.
Қайтып аман қалсын сау, 
Қайтқаннан соң әрнеден.

Өлді кейі, кейі — жау, 
Кімді сүйсе бүл жүрек. 
Кімі — қастық, кімі — дау, 
Сүйенерге жоқ тірек.

Кәрілік те тұр тақау, 
Алдымызда айла жоқ. 
Қайғысыздың бәрі — асау,
Бізге онан пайда жоқ.

Қан жүректі қайғылы-ау, 
Қайырыла кет сен маған. 
Қасиетін ойлан-ау, 
Қам көңілдің тынбаған.

 

1899-шы жыл

РЕДАКЦИЯЛЫҚ АЛҚА:

Алқа төрағасы: Азат Шәуеев
Бас редактор: Ақберен Елгезек
Шеф-редакторлар: Қайсар Қауымбек, Айбол Исламғали

Сайтты Мемлекеттік тілді дамыту қоры Қазақстан Республикасының Президенті Н.Ә.Назарбаевтың «Жібек жолы» бейбітшілік сыйлығына алған қаржысына әзірледі.